ადვოკატი ლევან ჯიბღაშვილის დაკავების დეტალებზე საუბრობს და აცხადებს, რომ მსახიობი გამოძიებასთან ითანამშრომლებს

ლევან ჯიბღაშვილი ავტომობილით მოძრაობდა, ის საპატრულო პოლიციამ შეაჩერა და სწორედ ამის შემდეგ მოხდა მისი ავტომობილიდან ნივთიერების ამოღება, - ამის შესახებ „ინტერპრესნიუსს“ ნარკოდანაშაულისთვის დაკავებული მსახიობის ლევან ჯიბღაშვილის ადვოკატმა, ამირან გიგუაშვილმა განუცხადა.

როგორც ადვოკატი განმარტავს, ჯიბღაშვილის ავტომობილის ჩხრეკისას ამოღებული ნივთიერება ექსპერტიზაზეა გადაგზავნილი.

„თუ რა ნივთიერება არის ამოღებული და რამდენად არის ის ნარკოტიკული ნივთიერება, ამასთან დაკავშირებით, ექსპერტიზა მიმდინარეობს. ლევანს ჯერ ბრალი წაყენებული არ აქვს, ველოდებით ექსპერტიზის პასუხებს, მაგრამ მინდა საზოგადოება დავარწმუნო, რომ ლევან ჯიბღაშვილი, რომელიც ყოველთვის გამოირჩეოდა თავისი მოქალაქეობრივი პოზიციით, აქტიურად ითანამშრომლებს გამოძიებასთან და შეეცდება ამ საქმეზე დადგინდეს ობიექტური ჭეშმარიტება და საზოგადოებისათვის ყველა კითხვაზე დამაჯერებელი, ადეკვატური პასუხი იყოს გაცემული“, - აცხადებს გიგუაშვილი.

მისი თქმით, ცრუ ინფორმაციაა, თითქოს, დაკავების მომენტში ლევან ჯიბღაშვილი დედაქალაქის მერთან, კახა კალაძესთან დარეკვას ითხოვდა.

„ეს არის სრული სისულელე, პირდაპირ შემიძლია გითხრათ. ეს ოდნავადაც კი, არ შეესაბამება რეალობას. ლევან ჯიბღაშვილი, როგორც კეთილსინდისიერი მოქალაქე და საზოგადოებისათვის ცნობილი პიროვნება, მისი შემოწმების პერიოდიდან აქტიურად ეხმარება გამოძიებას არსებული სიტუაციის გარკვევაში, რათა ობიექტური ჭეშმარიტება დადგინდეს. ვინმეს სახელის ხსენება, ან მსგავსი არ ყოფილა და არც შეიძლებოდა ყოფილიყო, ეს ყველაფერი ჭორია“, - აცხადებს გიგუაშვილი.

შინაგან საქმეთა სამინისტროს განმარტებით, მომხდართან დაკავშირებით, გამოძიება სისხლის სამართლის კოდექსის 260-ე მუხლის პირველი ნაწილით მიმდინარეობს, რაც ნარკოტიკული საშუალების უკანონო შეძენა-შენახვას გულისხმობს.

იხილეთ ვიდეო: "გავრცელდა სხვადასხვა ჭორი" - ლევან ჯიბღაშვილის ადვოკატის პირველი კომენტარი, მსახიობის დაკავების შემდეგ

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა