ფინანსთა სამინისტროში ბიზნესასოციაციების წარმომადგენლებთან შეხვედრა გაიმართა

ფინანსთა სამინისტროს შემოსავლების სამსახურის უფროსი ვახტანგ ლაშქარაძე და შემოსავლების სამსახურის უფროსის მოადგილე ზურაბ ძნელაშვილი უცხოური ბიზნესასოციაციების წარმომადგენლებს შეხვდნენ.

როგორც „ინტერპრესნიუსს“ ფინანსთა სამინისტროდან აცნობეს, შეხვედრაზე შემოსავლების სამსახურის ხელმძღვანელმა უწყებაში არსებულ გამოწვევებსა და დაგეგმილ სიახლეებზე ისაუბრა.

,,შემოსავლების სამსახური არ არის დაინტერესებული ბიზნესი შეამოწმოს იმ მიზნით, რომ მოხდეს მათი დაჯარიმება. უწყების სტრატეგიულ ამოცანად კვლავ რჩება, არა მხოლოდ საგადასახადო კანონდარღვევათა გამოვლენა და აღკვეთა, არამედ მათი პრევენცია.” - განაცხადა ვახტანგ ლაშქარაძემ.

მისი თქმით, შემოსავლების სამსახურის საქმიანობის ერთ-ერთ პრიორიტეტს, გადასახადის გადამხდელებთან, მათ შორის, მცირე და საშუალო ბიზნესის წარმომადგენლებთან აქტიური თანამშრომლობა წარმოადგენს, იმისათვის, რომ ვიყოთ სანდო პარტნიორი ბიზნესისთვის.

სამუშაო შეხვედრა კითხვა-პასუხის რეჟიმში გაიმართა. მხარეებმა, შეხვედრაზე გამოკვეთილი პრობლემატური საკითხებისა და მათი გადაჭრის გზებზე იმსჯელეს. ბიზნესასოცაციების ხელმძღვანელებს, შესაძლებლობა მიეცათ მათთვის აქტუალურ თემაზე, შემოსავლების სამსახურის უფროსისგან ამომწურავი პასუხები მიეღოთ.

შეხვედრის დასასრულს, ვახტანგ ლაშქარაძემ შემოსავლების სამსახურის სახელით სტუმრებს მადლობა გადაუხადა და აღნიშნა, რომ ბიზნესასოციაციების წევრებთან შეხვედრები რეგულარული ხასიათის იქნება და აქტიური კომუნიკაცია მომავალშიც გაგრძელდება.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)