შრი-ლანკაში მომხდარი ტერაქტების შედეგად დაღუპულთა რიცხვი 310-მდე გაიზარდა, ხოლო 480 კი დაშავებულია.

ამის შესახებ ინფორმაციას ქვეყნის ჯანდაცვის სამინისტრო ავრცელებს.

შეგახსენებთ, რომ დღევანდელი დღე შრი-ლანკაში გლოვის დღედ არის გამოცხადებლი. გარდა ამისა, ქვეყანაში საგანგებო მდგომარეობაა შემოღებული.

21 აპრილს კათოლიკური აღდგომის აღნიშვნისას ქვეყნის სამ ეკლესიაში აფეთქება მოხდა. გარდა ამისა, აფეთქება მოხდა ასევე სამ სასტუმროში. არსებული ინფორმაციით, ტერაქტები თვითმკვლელმა ტერორისტებმა განახორციელეს.

შრი-ლანკას პოლიციამ აღნიშნულ ტერაქტებთან დაკავშირებით 30-ზე მეტი ადამიანი დააკავა. ტერაქტები ადგილობრივმა ისლამისტურმა ორგანიზაციამ განახორციელა.

იხილეთ ვიდეო: შრი-ლანკაში ტერაქტების შედეგად დაღუპულთა რიცხვი 310-მდე გაიზარდა