ისრაელის პრემიერ-მინისტრმა ბენიამინ ნეთანიაჰუმ უკრაინის არჩეული პრეზიდენტი ვლადიმერ ზელენსკი ისრაელში ვიზიტით დაპატიჟა. ამის შესახებ ინფორმაციას ისრაელის საგარეო საქმეთა სამინისტრო ავრცელებს.
„ბენიამინ ნეთანიაჰუმ უკრაინის არჩეულ პრეზიდენტს ვლადიმერ ზელენსკის დაურეკა და არჩევნებში გამარჯვება მიულოცა. პრემიერ-მინისტრმა იმედი გამოთქვა, რომ ორმხრივი პოზიტიური ურთიერთობები მომავალშიც გაგრძელდება და ვლადიმერ ზელენსკი ისრაელში ვიზიტით დაპატიჟა“, - ნათქვამია ისრაელის საგარეო საქმეთა სამინისტროს მიერ გავრცელებულ ინფორმაციაში.
აღსანიშნავია, რომ ადგილობრივი მედია ხაზს უსვამს ვლადიმერ ზელენსკის ებრაულ წარმოშობას და აღნიშნავენ, რომ ისრაელის შემდეგ უკრაინა ერთადერთი ქვეყანაა, სადაც პრეზიდენტი და პრემიერ-მინისტრი ებრაელები არიან.