კომპანია "გალფის" სადგურიდან დილის 10.00 საათზე წიგნებით დატვირთული მანქანები აჭარის მაღალმთიანი რეგიონისკენ დაიძრა, სადაც ეროვნული ბიბლიოთეკის დირექტორი გიორგი კეკელიძე წიგნებს აჭარის მაღალმთიანი სოფლების სკოლებსა და სამკითხველოებს გადასცემს.
პროექტ „წიგნიერის“ ფარგლებში კომპანია "გალფი" 2019 წელს კვლავ აქტიურად იქნება ჩართული წიგნების გავრცელების კამპანიაში, სადაც რეგიონების სკოლებსა და ბიბლიოთეკებს სისტემატურად მიეწოდება წიგნები. "გალფი" ასევე საწვავით მოამარაგებს მაღალმთიან სკოლებს, სადაც მოსწავლეებისა და პედაგოგების ტრანსპორტირების პრობლემაა.
გასულ წელს პროექტის ფარგლებში 120 სოფელი მომარაგდა, ხოლო წელს 150 სოფლის მომარაგება იგეგმება.
(R)