მოკლული გევორქ სარქისიანის და სასამართლოს განაჩენზე - სამართალმა იზეიმა

სამართალმა იზეიმა და ჩემი ძმის სულმაც დაისვენა, - ასე გამოეხმაურა „ინტერპრესნიუსთან" 22 წლის გევორქ სარქისიანის და, მარია სარქისიანი მისი ძმის მკვლელობის საქმეზე ბრალდებულების მიმართ სასამართლოს მიერ დღეს გამოტანილ გამამტყუნებელ განაჩენს.

როგორც მარია სარქისიანი აცხადებს, მისი ძმა ე.წ. უბნის მაყურებლებმა წარსულში მომხდარი დაპირისპირების გამო მოკლეს.

„სასამართლომ ერთ ბრალდებულს 17 წელი მიუსაჯა, ორს კი, 15-15 წლით პატიმრობა. ჩვენი სისხლის სამართლის კანონის თანახმად, სამართლიანი გადაწყვეტილებაა, თუმცა, ჩემს გულს და სულს სამუდამო უნდოდა.

ერთ-ერთი მკვლელი, ვინც ორგანიზება გაუწია ამ ყველაფერს, ძებნაშია.

ჩხუბი იმ დღეს არ მომხდარა, როცა ჩემი ძმა მოკლეს. 4 თვით ადრე, სიტყვიერი, ქუჩური გარჩევა მოხდა. ჩემმა ძმამ მამაჩემი დაიცვა და რამდენიმე თვეში ეს ამბავი მოხდა. მათ გულში ჩაიდეს წყენა, ჩვენი უბნის "ძველი ბიჭები",ე.წ. მაყურებლები იყვნენ, არ აპატიეს ჩემს ძმას, რომ სწორი აღმოჩნდა და უბანში გაამართლეს. ამის გამო, მოვიდნენ და 4 თვის შემდეგ, ჩვენი საცხოვრებელი სახლის კარის მოპირდაპირე მხარეს მოკლეს", - განაცხადა სარქისიანმა.

ცნობისთვის, 22 წლის გევორქ სარქისიანი 2018 წლის 12 ივლისს, ავლაბარში მოკლეს. სარქისიანს სამივე მსჯავრდებულმა დანებით, სხეულის სხვადასხვა არეში 19 ჭრილობა მიაყენეს და შემთხვევის ადგილიდან მიიმალნენ. მიღებული დაზიანებების შედეგად გევორქ სარქისიანი საავადმყოფოში მიყვანისთანავე გარდაიცვალა.

სასამართლომ დამამძიმებელ გარემოებებში, ჯგუფურად განზრახ მკვლელობის ჩადენაში ბრალდებულები - ე.მ., ს.მ. და რ.კ. დამნაშავედ ცნო საქართველოს სისხლის სამართლის კოდექსის 109-ე მუხლის მე-2 ნაწილის „ე“ ქვეპუნქტით, ხოლო ამავე საქმეზე ბრალდებულები რ.დ., გ.კ. და უ.მ. - სსკ-ის 375-ე მუხლით.

ს.მ.-სა და რ.კ.-ს 15-15 წლით, ე.მ.-ს კი, 17 წლით თავისუფლების აღკვეთა შეუფარდა. ის საერთაშორისო ძებნაში იმყოფება.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს