ირაკლი კოვზანაძე - თანამედროვე ტექნოლოგიები საბანკო სექტორს ახალი გამოწვევების წინაშე აყენებს

თანამედროვე ტექნოლოგიები საბანკო-საფინანსო სექტორში რევოლუციურ ცვლილებებს გამოიწვევს, ახალი გამოწვევების დაძლევაზე ფიქრი და მზადება კი დღეიდან უნდა დავიწყოთ, - განაცხადა პარლამენტის საფინანსო-საბიუჯეტო კომიტეტის თავმჯდომარემ, ირაკლი კოვზანაძემ „მომავლის ბანკის“ ფორუმზე სიტყვით გამოსვლისას, რომელიც დღეს სასტუმრო „რედისონ ბლუ ივერიაში“ გაიმართა.

მისი თქმით, მოსახლეობაში ინტერნეტიზაციის ზრდის, მისი გაიაფების და სერვისების დიგიტალიზაციის კვალდაკვალ ფუნდამენტურად იცვლება საბანკო დაწესებულებების ტრადიციული სახე და მომსახურეობის ფორმები.

„ელექტრონული სერვისების განვითარების ფონზე, უახლოესი 10-12 წლის განმავლობაში სკანდინავიის ქვეყნებში დაიხურება საბანკო განყოფილებების, დაახლოებით, 50%, აშშ-ში კი - 2/3. განყოფილებებს ამცირებენ ისეთი გიგანტები, როგორებიცაა Bank of America, CityBank და HCBS. ეს ტენდენცია გამოიკვეთა სხვა ქვეყნებშიც და, მათ შორის, საქართველოში. სახეზეა ტენდენცია - ბანკები ოფისის გარეშე, რაც განპირობებულია იმით, რომ საბანკო მომსახურეობებზე წვდომა სულ უფრო შესაძლებელი ხდება ელექტრონულად, ოფისში ვიზიტის გარეშე“, - აღნიშნა ირაკლი კოვზანაძემ

მისი თქმით, უკვე ფუნქციონირებენ ბანკები, რომელთაც საერთოდ არ გააჩნიათ მომსახურეობის ოფისი და მთლიანად ონლაინ პლატფორმას წარმოადგენენ. „არის მეორე ტენდენციაც - ბანკები თანამშრომლების გარეშე, ან მინიმალური რაოდენობის თანამშრომლებით. ამას განაპირობებს ტექნოლოგიების განვითარება, როცა ადამიანის ჩანაცვლება ხდება პროგრამული უზრუნველყოფით და არცთუ შორეულ მომავალში ხელოვნური ინტელექტით“, - აღნიშნა საფინანსო-საბიუჯეტო კომიტეტის თავმჯდომარემ.

მან ისაუბრა სოციალური ქსელების შესაძლებლობებზე, კრიპტოვალუტებსა და ბლოქჩეინებზე, ასევე ტენდენციაზე - რომ ბანკები, შესაძლოა, ტრადიციული, მუდმივი კლიენტის გარეშე დარჩნენ.

„მე გამოვკვეთე რამდენიმე ძირითადი ტენდენცია თანამედროვე საფინანო-საბანკო სფეროში. ახლა ჯერი ჩვენზეა, მათ საფრთხედ ჩავთვლით, თუ შესაძლებლობად. მთავარია, რომ დრო არ ითმენს, ჩვენ ფეხი უნდა ავუწყოთ პროგრესს, ინოვაციებს და საფრთხეები შესაძლებლობებად ვაქციოთ“, - აღნიშნა ირაკლი კოვზანაძემ.

ინფორმაციას პარლამენტი ავრცელებს.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა