„აწარმოე საქართველოში“ - სასტუმრო ინდუსტრიის განვითარების კომპონენტის ფარგლებში, კიდევ ერთი სასტუმრო „შუხმან როიალ ისთეით“ გაფართოვდება

სასტუმრო ინდუსტრიის განვითარების კომპონენტის ფარგლებში, კიდევ ერთი სასტუმრო „შუხმან როიალ ისთეით“ გაფართოვდება, - ამის შესახებ ინფორმაციას სსიპ „აწარმოე საქართველოში“ ავრცელებს.

როგორც სააგენტოში განმარტავენ, 48- ნომრიანი კოტეჯური ტიპის სასტუმრო, 2019 წლის ზაფხულში, თელავის რაიონ სოფელ კისისხევში გაიხსნება.

„ფართოპანორამული ნომრები ორ საძინებელსა და ერთ მისაღებ ოთახებს მოიცავს. აღნიშნული სასტუმრო რეგიონში გამორჩეული იქნება სარეაბილიტაციო ცენტრით, რომელიც შეზღუდული შესაძლებლობის მქონე პირებისთვის იქნება განკუთვნილი და მაღალკვალიფიციური პერსონალი დამსვენებლებს სპეციალური ვარჯიშებით მოემსახურება.

„შუხმან რიალ ისთეით “-ის დამსვენებლებს შესაძლებლობა ექნებათ მინი-გოლფის მოედანზე დაეუფლონ შოტლანდიურ სპორტის სახეობას, მონაწილეობა მიიღონ რთველში, ღვინის დაწურვის, ჭაჭის გამოხდისა და გასტრონომიულ მასტერკლასებში. სასტუმრო, ასევე, უზრუნველყოფს ქვეყნის მასშტაბით სათავგადასავლო ტურების მოწყობას, ტრანსფერის ორგანიზებასა და სერვისს გიდის თანხლებით. სასტუმროში განთავსებული იქნება საკონფერენციო დარბაზები, ჩოგბურთის კორტები, ღია და დახურული აუზები, რესტორანი და ღია ბარი, სადაც საკვები მხოლოდ ადგილობრივი პროდუქტით დამზადდება,“-აღნიშნულია გავრცელებულ ინფორმაციაში.

ცნობისთვის, პროექტის ინვესტიციის ჯამური მოცულობა 4 500 000 ლარს შეადგენს და თავდაპირველად 15 ადამიანი დასაქმდება. დღესდღეობით ,,შუხმან ვაინს ჯორჯიას“ ბალანსზე 20 ნომრიანი სასტუმროა, რომელიც 2008 წლიდან ფუნქციონირებს.

სახელმწიფო პროგრამის ,, უმასპინძლე საქართველოში“ ფარგლებში, დღეის მონაცემებით, მხარდაჭერილია 82 პროექტი, რომელთა ჯამური ინვესტიციის მოცულობა 232 მლნ. ლარზე მეტს შეადგენს. აღნიშნული სასტუმროები 2500-ზე მეტ დამატებით ოთახს და 2400-ზე მეტ სამუშაო ადგილს შექმნის.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა