ადვოკატი - გეგა გეგეშიძემ თავი დაიცვა და ზურაბ დათუნაშვილს ხელი მოუქნია, თუმცა მას არ მოხვედრია

გეგა გეგეშიძემ თავი დაიცვა და ზურაბ დათუნაშვილს ხელი მოუქნია, - ამის შესახებ მოჭიდავე ზურაბ დათუნაშვილის ცემის ფაქტზე ბრალდებული ჭიდაობის ფედერაციის პრეზიდენტის, გეგა გეგეშიძის ადვოკატმა ზურაბ როსტიაშვილმა სასამართლო პროცესზე განაცხადა.

როგორც ადვოკატმა საკუთარ შესავალ სიტყვაში განმარტა, გეგა გეგეშიძეს დათუნაშვილისთვის თავში არ ჩაურტყამს. ადვოკატის თქმითვე, საქმეში ურთიერთსაპირისპირო ჩვენებებია.

„გეგეშიძე არეულობისკენ წავიდა, რა დროსაც ის დათუნაშვილმა შემოატრიალა. გეგეშიძემ ხელი მოუქნია, მაგრამ მას არ მოხვედრია, თავში არ ჩაურტყამს. ხელის მოქნევის შემდეგ, დაახლოებით წუთნახევარი ვიდეო გრძელდებოდა და იქ, დათუნაშვილს სისხლი არ მოსდიოდა", -განაცხადა ადვოკატმა.

მისივე განმარტებით, გეგეშიძეს შურისძიების მოტივი, რომ ჰქონოდა, ის ამისთვის სპორტის სასახლეს არ გამოიყენებდა. ადვოკატის თქმით, ინციდენტი დათუნაშვილის მხრიდან იყო ინიცირებული.

ამ წუთებში, თბილისის საქალაქო სასამართლოში გეგა გეგეშიძის ბრალდების სისხლის სამართლის საქმეზე სასამართლო პროცესი მომდინარეობს.

შეგახსენებთ, რომ ჭიდაობის ფედერაციის პრეზიდენტი გეგა გეგეშიძე, სპორტის სასახლეში, 11 იანვარს, მასსა და ევროპის ჩემპიონს, ზურაბ დათუნაშვილს შორის მომხდარ ინციდენტთან დაკავშირებით, სისხლის სამართლის კოდექსის 126-ე მუხლის 1-ელი ნაწილით დააკავეს, რაც ძალადობას გულისხმობს.

საქალაქო სასამართლომ გეგეშიძე 5 000-ლარიანი გირაოთი გაათავისუფლა და ჭიდაობის ფედერაციის პრეზიდენტის პოსტიც შეუნარჩუნა.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას