ნარკოტიკული ნივთიერების რაოდენობის დაფარვა უბრალოდ წარმოუდგენელია,- ამის შესახებ დეპუტატმა ეკა ბესელიამ მსახიობ ლევან ჯიბღაშვილის საქმესთან დაკავშირებით განაცხადა. ამით ბესელია გამოეხმაურა აღნიშნულ საქმეზე შინაგან საქმეთა სამინისტროს მიერ გავრცელებულ განცხადებას, სადაც არ არის მითითებული, რა რაოდენობის ნარკოტიკულ საშუალებას ფლობდა ლევან ჯიბღაშვილი. ბესელიას თქმით, ადგილი აქვს არათანაბარ დამოკიდებულებასა და მოპყრობას იმის მიხედვით, ვის ეხება საქმე.

„ნარკოტიკული ნივთიერების რაოდენობა კვალიფიკაციის განმსაზღვრელია. რაოდენობის გარეშე კვალიფიკაციას ვერ განსაზღვრავ: ეს არის მცირე, დიდი თუ განსაკუთრებით დიდი ოდენობა. ეს განსაზღვრავს შესაბამისად სასჯელსაც. ამის დაფარვა უბრალოდ წარმოუდგენელია. ბრალის დოკუმენტშიც უნდა ეწეროს, რადგან ეს არის ერთ-ერთი მთავარი მაკვალიფიცირებელი გარემოება. ამის დაფარვა უბრალოდ წარმოუდგენელია. არათანაბარი დამოკიდებულება და მოპყრობაა იმის მიხედვით, ვის ეხება საქმე. როდესაც ვსაუბრობთ სამართლიანობის და კანონიერების პრინციპზე, თანაბარი მოპყრობით უნდა ისარგებლოს ყველა პირმა, სხვადასხვაგვარი დამოკიდებულება ბადებს უსამართლობის განცდას", - განაცხადა ბესელიამ.