საქართველოს პარლამენტის თავმჯდომარის, ირაკლი კობახიძის განცხადებით, აფხაზეთში დაწყებული წვრთნები მზარდი მილიტარიზაციის ერთ-ერთი გამოხატულებაა. როგორც ირაკლი კობახიძე აცხადებს, მისთვის ეს მილიტარიზაცია შემაშფოთებელია.
„ჩვენთვის შემაშფოთებელია მზარდი მილიტარიზაცია, რომელსაც თვალყურს ვადევნებთ სამწუხაროდ, როგორც აფხაზეთში, ასევე, ცხინვალის რეგიონში და ეს წვრთნებიც არის ამის ერთ-ერთი გამოხატულება“,- აცხადებს კობახიძე.
მისივე თქმით, ამ კუთხით, საერთაშორისო თანამეგობრობის თანადგომა მნიშვნელოვანია.
„გაგრძელდება კონსულტაციები იმისთვის, რომ მაქსიმალურად ავირიდოთ პრობლემები, რაც დაკავშირებულია მილიტარიზაციასთან“,- განაცხადა პარლამენტის თავმჯდომარემ.