გორში მოსახლეობას ინციდენტების პრევენციისა და მათზე რეაგირების მექანიზმის ფარგლებში  შეხვედრების შესახებ ინფორმაცია მიაწოდეს

შერიგებისა და სამოქალაქო თანასწორობის საკითხებში სახელწმიფო მინისტრის აპარატის ინიციატივით, სახელმწიფო უსაფრთხოების სამსახურთან თანამშრომლობითა და გაერო-ს ქალთა ორგანიზაციის მხარდაჭერით, გორში სახალხო დამცველის, არასამთავრობო სექტორისა და ადილობრივი თემის წარმომადგენლებთან შეხვედრა გაიმართა. მასზე ინციდენტების პრევენციისა და მათზე რეაგირების მექანიზმის ფარგლებში (IPRM) 2019 წლის განმავლობაში ჩატარებულ შეხვედრებზე იმსჯელეს. ამის შესახებ „ინტერპრესნიუსს“ შერიგებისა და სამოქალაქო თანასწორობის საკითხებში სახელმწიფო მინისტრის აპარატიდან აცნობეს.

მათი ინფორმაციით, შეხვედრაზე დამსწრე საზოგადოებას დეტალური ინფორმაცია მიაწოდეს IPRM-ის მიმდინარეობის შესახებ, თემებზე, რომლებიც აღნიშნულ შეხვედრებზე განიხილებოდა და ხაზი გაუსვეს მისი შეუფერხებლად გაგრძელების აუცილებლობას.

„ეს შეხვედრები ტრადიციულია, უკვე რამდენიმე წელია, ტარდება. არასამთავრობო ორგანიზაციებისა და ადგილობრივი ხელისუფლების წარმომადგენლებთან ერთად განიხილება ის საკითხები, რომლებიც ინციდენტების პრევენციისა და მათზე რეაგირების მექანიზმის სამუშაო შეხვედრებზე იყო დასმული.

დღევანდელ შეხვედრაზე ადგილობრივი ორგანიზაციების მხრიდან საკმაოდ დიდი ინტერესი იყო. დაისვა საინტერესო კითხვები, რომლებზეც მაქსიმალურად ამომწურავი პასუხები გავეცით. ვთვლით, რომ მსგავსი ფორმატის შეხვედრები ძალიან სასარგებლოა და მომავალშიც აუცილებლად უნდა გავაგრძელოთ ჩვენი მოსახლეობის ინფორმირება იმაზე, თუ რა ხდება მოლაპარაკებებზე, რომლებიც ოკუპირებულ ტერიტორიებთან მიმართებაში მიმდინარეობს“, - განაცხადა სახელმწიფო მინისტრის აპარატის აფხაზეთის ავტონომიური რესპუბლიკის, ყოფილი სამხრეთ ოსეთის ავტონომიური ოლქის საკითხთა დეპარტამენტის ხელმძღვანელმა ზვიად ზვიადაძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს