რუსეთის, კონკრეტულად კი, იქ არსებული სამხედრო კონტიგენტის, ან საოკუპაციო რეჟიმების მხრიდან ადგილი აქვს აშკარად გამოკვეთილ დესტრუქციას, - ამის შესახებ საქართველოს საგარეო საქმეთა სამინისტროს წარმომადენელმა ვლადიმერ კონსტანტინიდმა საოკუპაციო ხაზთან საქართველოს ორი მოქალაქის გატაცების საკითხზე კომენტირებისას განაცხადა.

მისივე თქმით, საგარეო უწყება მის ხელთ არსებულ ყველა მექანიზმს იყენებს, რათა უმოკლეს დროში მოხდეს მოქალაქეების საკითხის გარკვევა.

"მიმდინარეობს მუშაობა, გააქტიურებულია ცხელი ხაზი, შესაბამისი სამსახურები მუშაობენ, რომ უახლოეს საათებში გადაწყდეს ჩვენი მოქალაქეების საკითხი. ჯერჯერობით ეს მონაცემები გვქვს და იმედი გვაქვს, რომ უხლოეს საათებში მივიღებთ დამაიმედებელ ინფორმაციას", - აცხადებს ვლადიმერ კონსტანტინიდი.