ნინო წილოსანი -  ჩვენს მიერ შემუშავებული რეკომენდაციები  იქნება რეალური საფუძველი იმისთვის, რომ უფრო მეტმა ქალმა მიიღოს მონაწილეობა სახელმწიფოს ეკონომიკურ პროგრამებში

საქართველოს პარლამენტის გენდერული თანასწორობის საბჭოს თემატური მოკვლევის ჯგუფმა - „სახელმწიფო ეკონომიკურ პროგრამებში ქალთა მონაწილეობა“ მორიგი ზეპირი მოსმენა ჩაატარა.

პარლამენტის პრესსამსახურის ინფორმაციით, დღეს, თემატური მოკვლევის ჯგუფმა ფერმერ ქალთა ასოციაციას, საქართველოს ფერმერთა ასოციაციას, გაეროს ქალთა ორგანიზაციას (UN Women) და შპს „ანასტასიას“ მოუსმინა.

მათივე ცნობით, მომხსენებლებმა გამოთქვეს მოსაზრებები და რეკომენდაციები ეკონომიკისა და მდგრადი განვითარების სამინისტროს და გარემოს დაცვისა და სოფლის მეურნეობის სამინისტროს ეკონომიკური პროგრამების ქალებისთვის ხელმისაწვდომობაზე. მომხსენებლებმა თემატური მოკვლევის ჯგუფის წევრების კითხვებს უპასუხეს.

ზეპირ მოსმენაში მონაწილეობა მიიღეს თემატური ჯგუფის მთავარმა მომხსენებელმა ნინო წილოსანმა და ჯგუფის წევრებმა - დიმიტრი ცქიტიშვილმა და ირინე ფრუიძემ.

„თემატური მოკვლევის ფარგლებში შემუშავებული რეკომენდაციები და დასკვნა, საბოლოო ჯამში, მიმართული იქნება გამოვკვეთო პრობლემები, რომლებიც ქალებს ხელს უშლის მონაწილეობა მიიღონ ეკონომიკურ პროგრამებში. მაგალითად, ისეთი, როგორიც არის: თანადაფინანსების არსებობა, რაც ქალებისთვის გაცილებით უფრო მძიმე ტვირთია, ვიდრე კაცებისთვის; მიწის, როგორც ქონების თანამფლობელობა, რომელიც ერთ-ერთი წინაპირობაა მაგალითად, სოფლის მეურნეობის პროგრამებში და ა.შ. დიდი იმედი მაქვს, რომ ჩვენს მიერ შემუშავებული რეკომენდაციები იქნება რეალური საშუალება და საფუძველი იმისთვის, რომ უფრო მეტმა ქალმა მიიღოს მონაწილეობა სახელმწიფოს ეკონომიკურ პროგრამებში“, - განაცხადა შეხვედრის კომენტირებისას თემატური ჯგუფის მთავარმა მომხსენებელმა, ნინო წილოსანმა.

საქართველოს პარლამენტის გენდერული თანასწორობის საბჭომ 2018-2020 წლების სტრატეგიისა და სამოქმედო გეგმით განსაზღვრული ამოცანების შესაბამისად, საქართველოს პარლამენტის რეგლამენტის 155-ე მუხლის საფუძველზე, დაიწყო თემატური მოკვლევა სახელმწიფო ეკონომიკურ პროგრამებში ქალთა მონაწილეობის შესახებ.

თემატური მოკვლევის ჯგუფის მიზანია ეკონომიკურ გაძლიერებაზე მიმართული სახელმწიფო პროგრამების ანალიზი გენდერულ ჭრილში ქალთა ეკონომიკური გაძლიერების ხელშეწყობისთვის.

საქართველოს პარლამენტის გენდერული თანასწორობის საბჭო თემატურ მოკვლევებს ახორციელებს ეროვნულ-დემოკრატიული ინსტიტუტის (NDI) მხარდაჭერითა და ბრიტანეთის მთავრობის UK aid-ის ფინანსური ხელშეწყობით.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა