ივანე მაჭავარიანი - სასამართლო, როგორც სერვისმომწოდებელი მოსახლეობისთვის,  შედარებით ნელია და ვხედავ, რომ არის საქმეები, რომლებიც დროში იწელება

სასამართლო, როგორც სერვისმომწოდებელი მოსახლეობისთვის შედარებით ნელია და ვხედავ, რომ არის საქმეები, რომლებიც დროში იწელება. გაცილებით მეტი მოსამართლე გვჭირდება, ვიდრე გვყავს,- ამის შესახებ ფინანსთა მინისტრმა ივანე მაჭავარიანმა „პალიტრანიუსის“ გადაცემაში „360 გრადუსი“ განაცხადა.

„საკუთრების უფლება დარწმუნებული ვარ, რომ ასე არასდროს ყოფილა დაცული, როგორც ახლა. არა მგონია, რომ სასამართლოს რეფორმა და მასთან დაკავშირებული ბოლოდრონდელი თემები უკავშირდებოდეს უსათუოდ საკუთრების უფლებას ან ეკონომიკურ თემებს. სად ვხედავ მე პრობლემებს გეტყვით. ჩვენთან, სასამართლო როგორც სერვისმომწოდებელი მოსახლეობისთვის შედარებით ნელია და ვხედავ, რომ არის საქმეები, რომლებიც დროში იწელება. ამას თავის ახსნაც აქვს. მემგონია, რომ ჩვენ უბრალოდ, გაცილებით მეტი მოსამართლე გვჭირდება, ვიდრე გვყავს. ეს იწვევს რომ საქმეებს ვერ აუდიან. სხვა ნაწილი, რაც იყო პოლიტიკური, რეპუტაციული და ასე შემდეგ, ამაზე ბევრი თქმულა. რომ გითხრათ მე ამ საკითხში ყველაზე გარკვეული ექსპერტი ვარ, მოგატყუებთ. ზოგადად, ის ვიცი რომ სამწუხაროდ, საქმეები იწელება და ეს არის მოსაგვარებელი. ამ მიმართულებით უფრო მეტი დინამიზმი გადამწყვეტია“, - აცხადებს მაჭავარიანი.

მინისტრის თქმით, სასამართლოს მიმართა სანდოობა გაზრდილია და ამას არაერთი კვლევა ადასტურებს.

„სანდოობის კუთხით უამრავი სტატისტიკა იყო წარმოდგენილი თუ რამდენად არის გაუმჯობესებული სანდოობა. მე აქცენტს გავაკეთებდი იმაზე, რომ უბრალოდ, მოსამართლეთა კორპუსი არ ჰყოფნის და ვერ აუდის იმ საქმეებს რაც არის. ეს, როგორც მინიმუმ, ზედაპირზე დევს რომ მოსაგვარებელია“,- აღნიშნა მაჭავარიანმა.

იხილეთ ვიდეო

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს