აღდგომის ბრწყინვალე დღესასწაულთან დაკავშირებით, ამბროლაურის მუნიციპალიტეტში მცხოვრებ, სოციალურად დაუცველ 69 ოჯახს სააღდგომო ნობათი გადაეცა, - ამის შესახებ „ინტერპრესნიუსს“ ამბროლაურის მუნიციპალიტეტიდან აცნობეს.
მათივე ინფორმაციით, საჩუქრები ბენეფიციარებს ამბროლაურის მუნიციპალიტეტის მერმა ზვიად მხეიძემ და საკრებულოს თავმჯდომარემ ასლან საგანელიძემ რეგიონული ხელისუფლების წარმომადგენლებთან ერთად გადასცეს.
ამბროლაურის მუნიციპალიტეტის სოციალური პროგრამის ფარგლებში, ადგილობრივი ბიუჯეტიდან, სოციალურად დაუცველ, 10 000-ზე ნაკლები ქულის მქონე ოჯახებისთვის, სააღდგომო ნობათის დასარიგებლად 4000 ლარზე მეტი გამოიყო.