ანრი ოხანაშვილი - მოსამართლეთა საკვალიფიკაციო გამოცდის გაუქმებასა და ინტერესთა კონფლიქტის აღმოფხვრაზე რეკომენდაციები საკანონმდებლო პროექტში ასახულია

უზენაესი სასამართლოს მოსამართლეების არჩევის წესზე პრინციპული რეკომენდაციები, რომელიც მოსამართლეთა საკვალიფიკაციო გამოცდის გაუქმებას და ინტერესთა კონფლიქტის აღმოფხვრას შეეხებოდა, საკანონმდებლო პროექტში ასახულია, - ამის შესახებ პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა არასამთავრობო ორგანიზაციების, სახალახო დამცველის აპარატის და ადვოკატთა ასოციაციის წარმომადგენლებთან შეხვედრისას განაცხადა.

შეხვედრის მთავარი თემა საერთო სასამართლოების შესახებ კანონში ცვლილებებია, რომელიც პარლამენტში მესამე მოსმენით განხილვის ეტაპზეა.

როგორც ოხანაშვილმა აღნიშნა, პირადად მისი პოზიციაა, რომ უზენაესი სასამართლოს მოსამართლეობის კანდიდატების შერჩევისას საკვალიფიკაციო გამოცდის დაწესება მიზანშეწონილი იყო, მაგრამ რაკი განსხვავებული პოზიცია გამოხატეს არასამთავრობო ორგანიზაციის წარმომადგენლებმა და ვენეციის კომისიამ, მათი რეკომენდაცია გათვალისწინებულია.

ოხანაშვილმა დღეს ხაზგასმით აღნიშნა, რომ თუკი იუსტიციის უმაღლესი საბჭოს წევრი იმავდროულად უზენაესი სასამართლოს მოსამართლეობის კანდიდატი იქნება, ის კონკურსში ვერც ერთ ეტაპზე ვერ მიიღებს მონაწილეობას და ყველა პროცედურიდან გამორიცხული იქნება.

რაც შეეხება რეკომენდაციას, რომელიც უზენაესი სასამართლოს შემადგენლობის ნაწილის 2020 წლის შემდგომ დაკომპლექტებას ეხება, ამასთან დაკავშირებით ანრი ოხანაშვილმა აღნიშნა, რომ წინასწარ გაწერილი არ არის თუ რამდენ მოსამართლეს დაამტკიცებს პარლამენტი.

„თუკი კარგი კანდიდატები იქნება წარმოდგენილი, შერჩევის პროცესს ვერ ჩავკეტავთ, მაგრამ ვუშვებ იმასაც, რომ უზენაესი სასამართლოში არსებული ვაკანსიების სრულად დაკომპლექტება რთული იქნება“, - განაცხადა ანრი ოხანაშვილმა პარლამენტში მიმდინარე შეხვედრისას.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ