„ვითიბი ბანკმა“ მომხმარებელს სამომხმარებლო სესხზე საგაზაფხულო აქცია შესთავაზა, რომლის თანახმადაც, უზრუნველყოფის გარეშე 30 000 ლარამდე, ხოლო თავდებობით 45 000-ლარამდე თანხის აღება არის შესაძლებელი, - ამის შესახებ „ინტერპრესნიუსს“ „ვითიბი ბანკიდან“ აცნობეს.

მათივე განმარტებით, სესხის მაქსიმალური ვადა 4 წელია. აქციის ფარგლებში, გადახდების დაწყება 6 თვეში არის შესაძლებელი. როგორც ბანკში განმარტავენ, წლიური საპროცენტო განაკვეთი 6,9%-დან, ეფექტური 12,8%-დან იწყება.

„ვითიბიში სესხის აღება გამარტივებული წესით და შემოსავლების ადგილზევე დადასტურებით არის შესაძლებელი“, - აცხადებენ ბანკში.