ფრაქცია „ქართული ოცნების“ თავმჯდომარის მამუკა მდინარაძის განცხადებით, ყოფილი პრეზიდენტი გიორგი მარგველაშვილი უზენაესი სასამართლოს მოსამართლედ ასარჩევად პარლამენტს საკუთარ ახლობლებს სთავაზობდა.
მდინარაძემ პარლამენტში გამართულ შეხვედრაზე არასამთავრობო ორგანიზაციების წარმომადგენლების მისამართით აღნიშნა, თუ რატომ არ ჰქონდათ მათ პროტესტი იმასთან დაკავშირებით, რომ ყოფილი პრეზიდენტი მოსამართლეებს ყოველგვარი კრიტერიუმებისა და წესის გარეშე არჩევდა.
მამუკა მდინარაძემ დღეს ისიც განაცხადა, რომ „საერთო სასამართლოების შესახებ“ კანონში პირველად იწერება, თუ როგორი წესითა და კრიტერიუმებით უნდა მოხდეს უზენაესი სასამართლოს მოსამრთლეობის კანდიდატების შერჩევა.
პარლამენტის იურიდიულ საკითხთა კომიტეტის წევრები უზენაესი სასამართლოს მოსამართლეების არჩევის წესზე არასამთავრობო სექტორის, ადვოკატთა ასოციაციის და სახალხო დამცველის აპარატის წარმომადგენლებს ხვდებიან.