ოთარ კახიძე - უზენაესი სასამართლოს მოსამართლეების არჩევის წესზე უმრავლესობის კანონპროექტი მურუსიძის ინტერესებს ემსახურება

უზენაესი სასამართლოს მოსამართლეების არჩევის წესზე უმრავლესობის კანონპროექტი სასამართლო სისტემის განმტკიცების ნაცვლად, მურუსიძის ინტერესებს ემსახურება, - აღნიშნული შეფასება დღეს პარლამენტში „ევროპული საქართველოს“ დეპუტატმა ოთარ კახიძემ გააკეთა.

კახიძის მტკიცებით, მმართველ პარტიას არ გააჩნია პოლიტიკური ნება იმისა, რომ უზენაეს სასამართლოს მოსამართლეებთან დაკავშირებით საზოგადოებრივი აზრი და ვენეციის კომისიისა და ეუთო-ს რეკომენდაციები გაითვალისწინოს.

„ისინი მხოლოდ ერთი საკითხით არიან დაინტერესებული - უზენაესი სასამართლო გადაუფორმონ „კლანს“, რომელიც მართმსაჯულების სისტემას მართავს“, - აღნიშნა ოთარ კახიძემ.