ეს პრობლემა უნდა მოგვარდეს იმის გათვალისწინებით, რა ურთიერთობა გვაქვს ისტორიულად ქისტებს და ქართველებს, - ამის შესახებ პარლამენტის თავმჯდომარე ირაკლი კობახიძემ ჟურნალისტებს პანკისში განვითარებულ მოვლენებთან დაკავშირებით განუცხადა.

მისი თქმით, მთავარი ამოცანაა ურთიერთობების მოწესრიგება.

"აქ მთავარი ამოცანაა ურთიერთობების მოწესრიგება. სერიოზული პრობლემა იყო, რომელსაც სჭირდება მოგვარება. ეს პრობლემა უნდა მოგვარდეს იმის გათვალისწინებით, რა ურთიერთობა გვაქვს ისტორიულად ქისტებს და ქართველებს შორის. რა თქმა უნდა, კანონიც უნდა იყოს დაცული და ბუნებრივია, ამ პრინციპებით იხელმძღვანელებს ხელისუფლება,"- განაცხადა ირაკლი კობახიძემ.