მძინარე ჯო, კეთილი იყოს საპრეზიდენტო რბოლაში შენი მობრძანება, - ასე გამოეხმაურა აშშ-ს პრეზიდენტი დონალდ ტრამპი ყოფილი ვიცე-პრეზიდენტის, ჯო ბაიდენის მიერ 2020 წლის საპრეზიდენტო არჩევნებზე თავისი კანდიდატურის წარდგენას.

„იმედია, გონებრივი შესაძლებლობები გეყოფა, რათა წარმატებული კამპანია ჩაატარო პრაიმერიზზე“, - დაწერა დონალდ ტრამპმა „ტვიტერის“ გვერდზე.

შეგახსენებთ, რომ დღეს აშშ-ს ყოფილმა ვიცე-პრეზიდენტმა ჯო ბაიდენმა ოფიციალურად განაცხადა, რომ 2020 წლის საპრეზიდენტო არჩევნებში მონაწილეობას მიიღებს.

„ჩვენი ქვეყნის ძირითადი ღირებულებები, ჩვენი პოზიციები მსოფლიოში, ჩვენი დემოკრატია, ყველაფერი, რამაც ამერიკა შექმნა, რისკის ქვეშ არის. ამიტომაც დღეს ვაცხადებ, რომ ჩემს კანდიდატურას წარვადგენ აშშ-ს პრეზიდენტის პოსტზე“, - განაცხადა ჯო ბაიდენმა.