დეპუტატმა ირაკლი აბუსერიძემ ისნის რაიონის სოციალურად დაუცველ ოჯახებს აღდგომის დღესასწაული მიულოცა. როგორც „ინტერპრესნიუსს“ პარტია „ქართული ოცნების“ პრესსამსახურიდან აცნობეს, საპარლამენტო ფრაქცია „ქართული ოცნება - ძლიერი საქართველოს“ წევრი, ისნის N8 ოლქის მაჟორიტარი დეპუტატი ირაკლი აბუსერიძე და საკრებულოს წევრი ლევან დავითაშვილი მაჟორიტარული ოლქის ტაძრებს და სოციალურად დაუცველ ოჯახებს ესტუმრნენ, დამდეგი აღდგომის დღესასწაული მიულოცეს და სააღდგომო ნობათი გადასცეს.

„გილოცავთ აღდგომის დამდეგ დღესასწაულს! აღდგომა ქრისტიანებისათვის უდიდესი დღესასწაულია. მსურს ყველას გისურვოთ სიკეთე, იმედების გამართლება და ბედნიერი ხვალინდელი დღე. სწორედ ერთმანეთის გვერდში დგომით მოვაგვარებთ ქვეყნის წინაშე მდგარ ბევრ პრობლემას“, - აღნიშნა ირაკლი აბუსერიძემ.