გუდამაყრის ხეობაში ხანძრის ღია კერები ამ ეტაპზე არ ფიქსირდება, თუმცა ადგილზე სახანძრო-სამაშველო ჯგუფები მონიტორინგის მიზნით მთელი ღამის განმავლობაში დარჩებიან.

როგორც „ინტერპრესნიუს“ საგანგებო სიტუაციების მართვის სამსახურში განუცხადეს, ადგილზე მეხანძრე-მაშველების რაოდენობა 20-მდე გაიზარდა. რთული რელიეფური პირობების გამო ხანძრის ადგილზე სახანძრო მანქანებით მისვლა ვერ ხერხდება, ამიტომ მეხანძრეებს ცეცხლის ქრობა სპეციალური აღჭურვილობით უწევთ.