აშშ-ს პრეზიდენტმა დონალდ ტრამპმა განაცხადა, რომ სპეცპროკურორის რობერტ მუელერის გამოძიება სახელმწიფო გადატრიალების მცდელობას წარმოადგენდა.

ამის შესახებ აშშ-ს პრეზიდენტმა ტელეარხ Fox News-სთვის მიცემულ ინტერვიუში განაცხადა.

„ეს სახელმწიფო გადატრიალების მცდელობა იყო. ეს იყო აშშ-ს მთავრობის დამხობის მცდელობა“, - განაცხადა დონალდ ტრამპმა.

აშშ-ს პრეზიდენტმა რობერტ მუელერის გამოძიება უოტერგეიტის სკანდალს შეადარა, რომლის შედეგად პრეზიდენტ ნიქსონს გადადგომა მოუწია.

„ეს გაცილებით მეტია, ვიდრე უოტერგეიტი იყო. ეს გადატრიალების მცდელობა იყო. ეს არ იყო უბრალოდ ინფორმაციის მოპარვა, რაც უოტერგეიტის სკანდალისას მოხდა. ვიმეორებ, სახელმწიფო გადატრიალების მცდელობა იყო, როგორც ეს მესამე მსოფლიოს ქვეყნებში ხდება“, - აღნიშნა მან.