ქუთაისის ცენტრალურ ბულვარში აქცია გაიმართა. აქცია ბულვარში მდებარე კაფე „სავანეს" მეპატრონეებმა გამართეს. ისინი ობიექტის წართმევის მცდელობაზე საუბრობენ.

„კაფე ჩვენია, წლებია აქ ვმუშაობთ. გვაქვს დოკუმენტები, მაგრამ, როგორც გავიგეთ, 2012 წელს მერიამ ბულვარი კაფეს გარეშე დაარეგისტრირა, ამის შესახებ ორი წლის შემდეგ გავიგეთ. საქმე სააპელაციო სასამართლოშია. ახლა კი მერიამ ასეთი გადაწყვეტილება მიიღო. გვთავაზობენ ჩვენი კაფე იჯარით ავიღოთ, წინააღმდეგ შემთხვევაში დანგრევას აპირებენ“, -განაცხადეს კაფეს მეპატრონეებმა.

ოფიციალური დოკუმენტებით, კაფე კერძო საკუთრებაშია, ბულვარი, სადაც კაფეა, მერიის ბალანსზეა. მერიაში ბრალდებას მოგვიანებით უპასუხებენ.