ჩრდილოეთ კორეის ლიდერი კიმ ჩენ ინი მიიჩნევს, რომ კორეის ნახევარკუნძულის უსაფრთხოება აშშ-ზეა დამოკიდებული.
კორეის ცენტრალური სატელეგრაფო სააგენტოს ინფორმაციით, ამის შესახებ კიმ ჩენ ინმა რუსეთის პრეზიდენტ ვლადიმერ პუტინთან გამართულ შეხვედრაზე განაცხადა.
„კიმ ჩენ ინმა აღნიშნა, რომ აშშ-მა ცალმხრივი და არამეგობრული პოზიცია დაიკავა ჩრდილოეთ-კორეა-აშშ-ს მეორე სამიტზე. შედეგად, სიტუაცია კორეის ნახევარკუნძულზე ამჟამად უცვლელია და სახიფათო ზღვარსაც კი მიუახლოვდა. კიმ ჩენ ინმა ასევე განაცხადა, რომ კორეის ნახევარკუნძულზე მშვიდობა და უსაფრთხოება აშშ-ს შემდგომ მიდგომებზეა დამოკიდებული და ჩრდილოეთ კორეა მზად იქნება ნებისმიერი გარემოებისთვის“, - ნათქვამია კორეის ცენტრალური სატელეგრაფო სააგენტოს განცხადებაში.