„თავისუფალი საქართველო“ - საქართველოს მიწების 10% უცხოელებზეა გასხვისებული

პარტია „თავისუფალი საქართველოს“ წარმომადგენლები 23 აპრილს გამართულ პარლამენტის აგრარული კომიტეტის სხდომას დაესწრნენ. „თავისუფალი საქართველოს“ პრესსამსახურის ინფორმაციით, პარტიის წარმომადგენლებმა კომიტეტის თავმჯდომარეს ოთარ დანელიას შეკითხვით მიმართეს, თუ რა რაოდენობის მიწაა გასხვისებული 2019 წლის მდგომარეობით უცხოეთის მოქალაქეებზე და კომპანიებზე.

ოთარ დანელიას განცხადებით, უცხოელ მოქალაქეებზე 45 000 ჰექტარი სახნავ-სათესი მიწაა გასხვისებული, რაც შეეხება უცხოურ კომპანიებს, მათზე გასხვისებული მიწის ფართობები ჯერჯერობით აღრიცხული არ არის.

„თავისუფალმა საქართველომ“ ექსპერტებთან გადაამოწმა ოფიციალური მონაცემები, საიდანაც ირკვევა, რომ საქართველოს სახნავ-სათესი მიწის რესურსი (ოკუპირებული ტერიტორიების, საძოვრების და ტყეების გარდა) შეადგენს 750 000 ჰექტარს, საიდანაც 45 000 ჰექტარი უკვე შეიძინეს უცხოელმა მოქალაქეებმა. თუ ვივარაუდებთ, რომ მინიმუმ 30 000 ჰექტარი გასხვისებულია უცხოურ კომპანიებზე (როგორც წესი კომპანიები უფრო მსხვილ ნაკვეთებს ყიდულობენ ვიდრე ფიზიკური პირები), გამოდის რომ სახნავ-სათესი მიწის არანაკლებ 10% გასხვისებულია უცხოელებზე“,- ნათქვამია „თავისუფალი საქართველოს“ მიერ გავრცელებულ ინფორმაციაში.

პარტიის პრესსამსახურის ცნობით, „თავისუფალი საქართველო“ ამ მიმართულებით კვლევას აგრძელებს და უახლოეს პერიოდში საზოგადოებას უფრო დეტალურ ინფორმაციას მიაწვდის.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის