შრი-ლანკაში სამი აფეთქება მოხდა. ამის შესახებ პორტალი Newsfirst იუწყება. მისი ინფორმაციით, ინციდენტი ქვეყნის აღმოსავლეთში, ქალაქ კალმუნაიში მოხდა, სადაც სამართალდამცველები ანტიტერორისტულ ოპერაციას ატარებდნენ.
მანამდე გავრცელებული ინფორმაციით, სამართალდამცველებს რეიდების დროს ამ ქალაქში ცეცხლი გაუხსნეს.
ამ დროისთვის დაღუპულთა და დაშავებულთა შესახებ ინფორმაცია არ ვრცელდება.
ქვეყნის ხელისუფლებამ კომენდანტის საათი შემოიღო.
როგორც ცნობლია, გასულ კვირას შრი-ლანკაში რვა აფეთქების შედეგად, რომლებზეც პასუხისმგებლობა „ისლამურმა სახელმწიფომ“ აიღო, 260 ადამიანი ემსხვერპლა.