აშშ-ს პრეზიდენტმა დონალდ ტრამპმა განაცხადა, რომ სიტუაცია ჩრდილოეთ კორეის ირგვლივ კარგად ვითარდება.

„ვაფასებ პრეზიდენტი პუტინის განცხადებას ჩრდილოეთ კორეის სიტუაციასთან დაკავშირებით. ვფიქრობ, რომ სიტუაცია ჩრდილოეთ კორეის ირგვლივ კარგად ვითარდება, არის მნიშვნელოვანი პროგრესი“, - განაცხადა აშშ-ს პრეზიდენტმა.

მისივე თქმით, ის აფასებს იმას, რომ რუსეთი და ჩინეთი აშშ-ს ეხმარებიან აღნიშნულ საკითხში.

„ვფიქრობ, ჩინეთი გვეხმარება, ვინაიდან მათ არ სურთ, რომ მეზობლად ბირთვული იარაღის მქონე ქვეყანა ჰყავდეთ. ასევე ვფიქრობ, ჩინეთი იმიტომ გვეხმარება, რომ სავაჭრო შეთანხმების დადება სურთ, რაზეც ახლა მათთან მოლაპარაკებებს ვაწარმოებთ“, - დასძინა ტრამპმა.