დაპირისპირება რომ ყოფილიყო, მაშინ ხვალ, ზეგ, მაზეგ არ გავაგრძელებდი მუშაობას პრეზიდენტთან, - ამის შესახებ პრეზიდენტის ადმინისტრაციის ხელმძღვანელმა ლაშა ჟვანიამ თანამდებობის დატოვებასთან დაკავშირებით დასმულ კითხვაზე საუბრისას განაცხადა.
მისივე თქმით, პრეზიდენტის ადმინისტრაციის უფროსის თანამდებობას პირველ მაისს დატოვებს.
„ჯერ არ დამიტოვებია თანამდებობა, პირველ მაისს ვტოვებ. არავითარი დაპირისპირება არ არის, დღესაც პრეზიდენტთან ერთად ვარ სამებაში. დაპირისპირება რომ ყოფილიყო, მაშინ ხვალ, ზეგ, მაზეგ არ გავაგრძელებდი მუშაობას პრეზიდენტთან“, - განაცხადა ლაშა ჟვანიამ და დასძინა, რომ მუშაობას კათოლიკოს- პატრიარქის ფონდში გააგრძელებს.