პოლონეთმა და აშშ-მა პოლონეთში აშშ-ს სამხედრო კონტინგენტის გაზრდის თაობაზე შეთანხმებას მიაღწიეს. ამის შესახებ პოლონეთის თავდაცვის მინისტრმა მარიუშ ბლაშაკმა განაცხადა.

„შეგვიძლია ასე ვთქვათ: გადაწყვეტილება პოლონეთში ამერიკელი სამხედროების რიცხვის გაზრდის შესახებ მიღებულია. ამჟამად დეტალებს ვათანხმებთ. იმედია, მოლაპარაკებები მიმდინარე წელს დასრულდება“, - განაცხადა პოლონეთის თავდაცვის მინისტრმა.

შეგახსენებთ, რომ პოლონეთში ამერიკული კონტინგენტის გაზრდის შესახებ მოლაპარაკებები პოლონეთსა და აშშ-ს შორის გასული წლის შემოდგომიდან მიმდინარეობს.

ამჟამად პოლონეთში როტაციულ საფუძველზე 3.4 ათასი ამერიკელი სამხედრო იმყოფება.