პარლამენტის ოპოზიციონერი ვიცე-სპიკერი სერგი კაპანაძე ხელისუფლებას მიმართავს, გალის რაიონში მოკლული ირაკლი კვარაცხელიას საქმეზე რუსეთის სამხედრო ბაზის ხელმძღვანელობას ბრალი წაუყენონ.

როგორც კაპანაძემ პარლამენტის პლენარულ სხდომაზე განაცხადა, ეს მნიშვნელოვანია მათ „ოთხოზორია-ტატუნაშვილის სიაში“ შესაყვანად.

“წაუყენეთ ბრალი რუსეთის სამხედრო ბაზის ხელმძღვანელობას, რადგან ისე მათ „ოთხოზორია-ტატუნაშვილის სიაში“ ვერ ახვედრებთ. შეგიძლიათ ბრალი წაუყენოთ და ამ სიაში მოხვდებიან. თქვენ ამას ჯერ არ აკეთებთ“, - განაცხადა სერგი კაპანაძემ პარლამენტის პლენარულ სხდომაზე.

12 მარტს, გალის რაიონში, ნაბაკევის სამხედრო ბაზაზე 28 წლის ირაკლი კვარაცხელია გაურკვეველ ვითარებაში გარდაიცვალა.

იხილეთ ვიდეო