პარლამენტის თავმჯდომარე ევროკავშირის საგარეო ქმედებათა სამსახურის მმართველ დირექტორს შეხვდა

პარლამენტის თავმჯდომარე ირაკლი კობახიძე ევროკავშირის საგარეო ქმედებათა სამსახურის მმართველ დირექტორს ტომას მაიერ ჰარტინგს შეხვდა. როგორც „ინტერპრესნიუსს“ პარლამენტის პრესსამსახურიდან აცნობეს, მხარეებმა საქართველო-ევროკავშირის თანამშრომლობისა და ჩვენი ქვეყნის ევროპული ინტეგრაციის პროცესის შესახებ იმსჯელეს.

პარლამენტის თავმჯდომარის განცხადებით, დასავლურ ოჯახში დაბრუნება საქართველოს ისტორიულ-ღირებულებითი არჩევანია. ამასთან, მისივე თქმით, ევროინტეგრაციის პროცესში განხორციელებული და მიმდინარე რეფორმები, უპირველესად, ჩვენი ქვეყნის განვითარებასა და მოსახლეობის კეთილდღეობის გაზრდას ემსახურება.

შეხვედრაზე მხარეებმა აგრეთვე ისაუბრეს ეუთო/ოდირის რეკომენდაციებზე. ირაკლი კობახიძემ გამოხატა ქართული მხარის მზაობა, რომ აღნიშნული რეკომენდაციები მაქსიმალურად იქნას გათვალისწინებული.

ირაკლი კობახიძემ და ტომას მაიერ ჰარტინგმა ასევე განიხილეს უზენაესი სასამართლოს მოსამართლეთა შერჩევასთან დაკავშირებული კანონპროექტი და ვენეციის კომისიის რეკომენდაციები. ირაკლი კობახიძემ ევროკავშირის საგარეო ქმედებათა სამსახურის მმართველ დირექტორს კანონპროექტის არსი გააცნო და განაცხადა, რომ მომზადებული კანონპროექტი სრულ შესაბამისობაშია საუკეთესო საერთაშორისო სტანდარტებთან.

პარლამენტის თავმჯდომარემ კიდევ ერთხელ დაადასტურა ევროკავშირის წინაშე საქართველოს მიერ აღებული ვალდებულებებისადმი ქართული მხარის ერთგულება და მზადყოფნა ევროკავშირთან მჭიდრო თანამშრომლობისთვის.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას