მთავრობის ადმინისტრაციაში ეროვნული უსაფრთხოების საბჭოს პირველი სხდომა მიმდინარეობს. სხდომას პრემიერ-მინისტრი მამუკა ბახტაძე ხელმძღვანელობს. როგორც ცნობილია, საბჭოს მდივნად ვიცე-პრემიერი, შინაგან საქმეთა მინისტრი გიორგი გახარია პრემიერმა უკვე დანიშნა.
ეროვნული უსაფრთხოების საბჭო 8-წევრიან სათათბირო ორგანოს წარმოადგენს, რომელსაც პრემიერ-მინისტრი ხელმძღვანელობს. საბჭოს მუდმივი წევრები: არიან შინაგან საქმეთა, თავდაცვის, საგარეო საქმეთა და ფინანსთა მინისტრები, სახელმწიფო უსაფრთხოებისა და დაზვერვის სამსახურების ხელმძღვანელები და თავდაცვის ძალების მეთაური. საბჭო აღჭურვილია სტრატეგიულ დონეზე ეროვნული უსაფრთხოების პოლიტიკის დაგეგმვის და კოორდინაციის მანდატით.
საბჭოს სხდომაზე იმყოფება პრეზიდენტის კონსულტანტი საკანონმდებლო ორგანოსთან ურთიერთობის საკითხებში, გიორგი მსხილაძე.