თსუ-ში 2 მაისს თამარ ხარაბაძის ნამუშევრების გამოფენა გაიმართება
2 მაისს ივანე ჯავახიშვილის სახელობის თბილისის სახელმწიფო უნივერსიტეტში გაიმართება ჰუმანიტარულ ფაკულტეტთან არსებული ვიზუალური ხელოვნების სასწავლო-სამეცნიერო ინსტიტუტის პედაგოგის, თამარ ხარაბაძის ნამუშევრების პერსონალური გამოფენა. ამის შესახებ ინფორმაციას თბილისის სახელმწიფო უნივერსიტეტი ავრცელებს.
„თამარ ხარაბაძე ათეული წლებია, თსუ-ში პედაგოგად მოღვაწეობს, არის საქართველოს მხატვართა კავშირის წევრი. მხატვარი რეგულარულად მონაწილეობს სხვადასხვა გამოფენაში, რომელიც იმართება როგორც საქართველოში, ისე საზღვარგარეთ.
თამარ ხარაბაძის ნამუშევრები შესულია კატალოგებში: „ქართული მხატვრობა 2013’’ და „ქართული მხატვრობა 2014’’. მისი ნამუშევრები დაცულია: საქართველოს, რუსეთის, თურქეთის, საფრანგეთის, იტალიის, ჰოლანდიის, ვიეტნამის, პოლონეთის, უნგრეთისა და ჩეხეთის კერძო კოლექციებში.
გამოფენა 17:00 საათზე გაიხსნება“, - აღნიშნულია თსუ-ს მიერ გავრცელებულ ინფორმაციაში.
v-if="article.gallery" v-html="article.gallery"
