მამუკა ხაზარაძე განმარტავს, თუ რატომ შეიტანა  „თიბისი ბანკმა“ სარჩელი „მარტელო გრუპის“ წინააღმდეგ, რომელიც სადავო 17 მილიონი დოლარის ტრანზაქციის საქმეში ფიგურირებს

„თიბისი ბანკმა“ სასამართლოში 17 მილიონი დოლარის ტრანზაქციასთან დაკავშირებით სასამართლოში სარჩელი „მარტელო გრუპ ლიმიტედის" წინააღმდეგ შეიტანა. აღნიშნულის შესახებ ჟურნალისტებს ბანკის სამეთვალყურეო საბჭოს ყოფილმა წევრმა, მამუკა ხაზარაძემ განაცხადა.

არსებული ინფორმაციით, სწორედ „მარტელო გრუპ ლიმიტედი" ფიგურირებს პროკურატურაში "თიბისი ბანკის" საქმეზე დაწყებული გამოძიების საქმეში. დღეისათვის ის ითვლება სადავო 17 მილიონი დოლარის სესხის ვალდებულების შემსრულებლად „თიბისი ბანკში”. ხაზარაძე აცხადებს, რომ ბანკმა სასამართლოს მხოლოდ იმის გამო მიმართა, რომ აღნიშნული საქმის გარშემო მიმდინარე პროცესს ნათელი მოეფინოს.

„ბანკმა მაშინაც და ახლაც იმოქმედა სამართლიანად. ამ პროცესში დაზარალებული მხოლოდ და მხოლოდ ორი ადამიანია, ეს არის ბადრი ჯაფარიძე და მამუკა ხაზარაძე. ბანკმა შეიტანა 17 მილიონის ტრანზაქციასთან დაკავშირებით სარჩელი მხოლოდ და მხოლოდ იმის გამო, რომ პარალელურად მიმდინარეობს პროკურატურაში გამოძიება ფულის გათეთრებასთან დაკავშირებით და ეს პროცესი ნათელს მოფენს არამარტო იმას, რაც ფარულად მიმდინარეობს ჩვენს წინააღმდეგ, არამედ მთელ იმ საქმეს სასამართლო წესით, რა მოხდა, როგორ მოხდა და კიდევ ერთხელ დარწმუნდება საზოგადოება სად იდგა ბანკი მაშინ და სად დგას ახლა“, - განაცხადა ხაზარაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს