„ევროპული საქართველოს“ წევრი სერგო რატიანი უმრავლესობის ლიდერს არჩილ თალაკვაძეს პასუხობს.
სერგო რატიანმა პარლამენტის სხდომაზე განაცხადა, რომ ოზურგეთის მუნიციპალიტეტმა 2018 წელს ადგილობრივი ბიუჯეტით გათვალისწინებული ხარჯებიდან 7 მლნ. ლარი არ ან ვერ გახარჯა და ეს თანხა დააკლდა ინფრასტრუქტურულ პროექტებს.
რატიანის თქმით, ამ განცხადებას ოზურგეთის მუნიციპალიტეტის წარმომადგენელმა და უმრავლესობის ლიდერმა არჩილ თალაკვაძემ უპასუხა , რომ თითქოსდა, ჩემმა მეგობრებმა შეცდომაში შემიყვანეს.
„ფაქტების კიდევ ერთხელ გადამოწმების შემდეგ, მინდა მივაწოდო საზოგადოებას ინფორმაცია:
ოზურგეთის საკრებულოს მუნიციპალიტეტის 2019 წლის 13 მარტის N8 დადგენილებით: ოზურგეთის მუნიციპალიტეტის საბიუჯეტო სახსრების ნაშთმა 2019 წლის 1 იანვრის მდგომარეობით შეადგინა 7 409 887,7 ლარი. მათ შორის:
ა) საკუთარი ნაშთი - 5 021 666,80 ლარი;
ბ) ევროკავშირის გრანტის ნაშთი - 41295,79 ლარი;
გ) მიზნობრივი ტრანსფერის ნაშთი - 20 454,78 ლარი;
დ) საქართველოს მთავრობის #1993 განკარგულება (29.10.2018 წ.) – 263 086,77 ლარი;
ე) საქართველოს მთავრობის #957 (03.05.2018 წ) განკარგულება (სტიქია) – 1 051 755,14 ლარი;
ვ) საქართველოს მთავრობის #2168 (09.11.2018 წ) განკარგულება (სტიქია) – 459 695, 28 ლარი;
ზ) საქართველოს მთავრობის #1525 (21.07.2017 წ) განკარგულება (სტიქია) – 158 717,71 ლარი;
თ) საქართველოს მთავრობის #840 (19.04.2018 წ.) განკარგულება (სტიქია) – 41 440,95 ლარი;
ი) საქართველოს მთავრობის #265 (19.02.2016 წ.) განკარგულება (სოფლის პროექტები) – 5 096,93 ლარი;
კ) საქართველოს მთავრობის #136 (18.01.2018 წ.) განკარგულება (რეგიონალური პროექტები) – 346 677,55 ლარი;
განსაკუთრებით შემაშფოთებელია, რომ არ არის გახარჯული და, შესაბამისად, 2018 წელს არ შესრულდა: სტიქიით დაზარალებულთა მიმართ ვალდებულებები; სკოლების სარეაბილიტაციო სამუშაობები; არ მოხდა ევროკავშირის გრანტის თანხის ათვისება.
ამასთან, ოზურგეთის მუნიციპალიტეტის 2018 წლის ბიუჯეტის შესრულების ანგარიშში ვკითხულობთ:
1. 01 00 - წარმომადგენლობითი და აღმასრულებელი ორგანოების დაფინანსება (გეგმა - 4864,3 ათ. ლარი, შესრულება - 4705,0 ათ. ლარი, გეგმის 96,72 %);
2. 02 00 - თავდაცვა, საზოგადოებრივი წესრიგი და უსაფრთხოება (გეგმა - 148,0 ათ. ლარი, შესრულება - 148,0 ათ. ლარი, გეგმის 100 %);
3. 03 00 - ინფრასტრუქტურის მშენებლობა, რეაბილიტაცია და ექსპლუატაცია (გეგმა - 20509,8 ათ. ლარი, შესრულება - 15945,2 ათ. ლარი, გეგმის 77,74 %);
4. 04 00 - განათლება (გეგმა - 3988,1 ათ. ლარი, შესრულება - 3688,6 ათ. ლარი, გეგმის 92,49 %);
5. 05 00 - კულტურა, რელიგია, ახალგაზრდული და სპორტული ღონისძიებები (გეგმა - 3674,6 ათ. ლარი, შესრულება - 3474,0 ათ. ლარი, გეგმის 94,54 %);
6. 06 00 - მოსახლეობის ჯანმრთელობის დაცვა და სოციალური უზრუნველყოფა (გეგმა 1615,0 ათ. ლარი, შესრულება - 1410,8 ათ. ლარი, გეგმის 87,4%).
ცხადად ჩანს, რომ 4 564 600 ლარი დააკლდა ინფრასტრუქტურულ პროექტებს.
არჩილ, კოლეგავ, გატყუებენ! ამასთან, მზად ვარ, ფაქტების გადამოწმება გავაგრძელო“ -აღნიშნავს სერგო რატიანი.
აღნიშნულ ინფორმაციას „ევროპული საქართველო“ ავრცელებს.