ზურაბ პოლოლიკაშვილმა კოლუმბიაში ლათინური ამერიკის ყველაზე დიდი ინოვაციების ფორუმი გახსნა

გაეროს მსოფლიო ტურიზმის ორგანიზაციის გენერალურმა მდივანმა ზურაბ პოლოლიკაშვილმა კოლუმბიაში, ქალაქ კარტახენაში ლათინური ამერიკის ყველაზე დიდი ინოვაციების ფორუმი გახსნა, რომელიც წელს მოგზაურობისა და ტურიზმის ინდუსტრიას მიეძღვნა.

ღონისძიებას კოლუმბიის პრეზიდენტი და ლათინური ამერიკის წამყვანი ბიზნესმენები დაესწრნენ.

„მსურს მადლობა გადავუხადო კოლუმბიის პრეზიდენტს ივან დუკეს ამ უმნიშვნელოვანესი ფორუმის პატრონაჟისათვის. ძვირფასო მეგობრებო, დღეს ჩვენ ვსაუბრობთ ტურიზმზე, როგორც ინვესტიციების მოზიდვისათვის უმნიშვნელოვანეს სფეროზე და აგრეთვე მსოფლიო ეკონომიკის ყველაზე მზარდ სექტორზე. დღეს ისე როგორც არასდროს, ამ სექტორს სჭირდება ბევრი ინოვაციური ბიზნეს პროექტი. დღევანდელი ფორუმი არის ძალიან კარგი შესაძლებლობა, რათა ერთმანეთს შეხვდნენ ინოვაციური ბიზნეს პროექტების ავტორები და წაყვანი ინვესტორები. მოხარული ვარ, რომ დღეს ჩვენთან ერთად იმყოფება მსოფლიოს უმდიდრესი ადამიანი კარლოს სლიმი, რომელიც მნიშვნელოვანი ინვესტიციის განხორციელებას გეგმავს ტურიზმის ინოვაციურ პროექტებში“, - ნათქვამია ზურაბ პოლოლიკაშვილის მიმართვაში.

ფორუმის საზეიმო დახურვის ცერემონიაზე გაეროს მსოფლიო ტურიზმის ორგანიზაციის გენერალურმა მდივანმა კოლუმბიის პრეზიდენტს ტურიზმის სექტორისა და ინოვაციციის სისტემის განვითარების საქმეში შეტანილი პირადი წვლილისათვის გაეროს უმაღლესი ჯილდო გადასცა.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა