ზაქარია ქუცნაშვილი ნიკა მელიას და თინა ბოკუჩავას - უსინდისობაა ის, რომ თქვენმა სააკაშვილმა საქართველოს ერთგულების ფიცი ოდესის გუბერნატორის თანამდებობაში გაცვალა

უსინდისობაა, როცა ჩვენ გვყავს რიგითი ანწუხელიძე, ეროვნული გმირი, რომელმაც ათი კაცის თანდასწრებით ქართულ დროშას ფეხი არ დააბიჯა, ხოლო თქვენმა მიხეილ სააკაშვილმა საქართველოს ერთგულების ფიცი ოდესის გუბერნატორის თანამდებობაში გაცვალა,- ასე მიმართა „ქართული ოცნების“ დეპუტატმა ზაქარია ქუცნაშვილმა „ნაციონალური მოძრაობის“ ერთ-ერთ ლიდერს, ნიკა მელიას.

ზაქარია ქუცნაშვილმა რამდენიმე არგუმენტი დაასახელა, რომელიც, მისი თქმით, „ჭეშმარიტი უსინდისობაა“.

„სიტყვა „უსინდისო“ რამდენჯერმე ახსენეს ბატონმა ნიკანორ მელიამ და ქალბატონმა თინა ბოკუჩავამ. მინდა, გითხრათ ბატონო ნიკანორ, რომ უსინდისობაა ის, რომ თქვენი წაქეზებით მიხეილ სააკაშვილის პირადი მცველი ახალგაზრდა ადამიანს სცემს თიანეთში და მას ქირურგიული ჩარევა სჭირდება ჯანმრთელობის მდგომარეობის აღდგენისთვის. თქვენ ამაზე ხმას არ იღებთ და ქომაგობთ მოძალადეს. უსინდისობაა ის, რომ თქვენი წარმომადგენელი მარნეულის საარჩევნო ოლქში სცემს საოლქო საარჩევნო კომისიის წევრს და თქვენ ამაზე ხმას კი არ იღებთ, პირიქით, ტელევიზიას ახმართ, რომ მედია ალიბი შეუქმნათ პასუხისმგებლობისგან თავის დაძვრენის მიზნით. უსინდისობაა, რომ ქართველ ემიგრანტებს შეხვედრაზე არ უშვებთ და შეკითხვის დასმის სანაცვლოდ მუშტებს უშენთ და თვალებში გაზს ასხურებთ. უსინდისობაა, როცა ჩვენ გვყავს რიგითი ანწუხელიძე, ეროვნული გმირი, რომელმაც ათი კაცის თანდასწრებით ქართულ დროშას ფეხი არ დააბიჯა, ხოლო თქვენმა მიხეილ სააკაშვილმა საქართველოს ერთგულების ფიცი გაცვალა ოდესის გუბერნატორის თანამდებობაში“, - განაცხადა ზაქარია ქუცნაშვილმა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)