„ვითიბი ბანკის“ მხარდაჭერით, 3, 4 და 5 მაისს, 15:00 საათზე, თბილისის იპოდრომზე (ლისის ტბა), მსოფლიო თასის შესარჩევი ეტაპი - VTB CUP 2019 გაიმართება. ამის შესახებ ინფორმაციას „ვითიბი ბანკი“ ავრცელებს.

მათივე ინფორმაციით, შეჯიბრში წარმოდგენილი იქნება წინაღობათა გადალახვა. მონაწილეობას მიიღებენ მხედრები აზერბაიჯანიდან, ბელარუსიდან, ირანიდან, სომხეთიდან და საქართველოდან.

,,ფინალური ეტაპი 5 მაისს გაიმართება. ტურნირზე დასწრება თავისუფალია. ტურნირის ორგანიზატორია საქართველოს საცხენოსნო სპორტის ფედერაცია, მხარდამჭერი, საქართველოს განათლების, მეცნიერების, კულტურისა და სპორტის სამინისტრო“, - ნათქვამია ინფორმაციაში.