გიორგი გახარია ადა მარშანიას - თქვენ თუ 4 ახალ ვერტმფრენს შეგვაძენინებთ, მარტო მე კი არა, მთელი სასაზღვრო პოლიცია ძალიან დიდ მადლობას გეტყვით

შინაგან საქმეთა მინისტრმა გიორგი გახარიამ პარლამენტის პლენარულ სხდომაზე უმცირესობის დეპუტატს, ადა მარშანიას მიმართა, რომ ვერტმფრენების შეძენაში დაეხმაროს, რისთვისაც ის და სასაზღვრო პოლიციაც მადლობას გადაუხდის.

როგორც გახარიამ აღნიშნა, 4 ვეტმფრენის გასარემონტებლად ბიუჯეტში სახსრები „ძლივს გამოინახა“.

„ქალბატონ ადას მინდა მადლობა გადავუხადო. ქალბატონო ადა, რომ იცოდეთ, ჩვენ ბიუჯეტში 4 ვერტმფრენის რემონტი გაგვიჭირდა ისევ და ძლივს გამოვნახეთ სახსრები. თქვენ თუ მომავალი წლის ბიუჯეტში 4 ახალ ვერტმფრენს შეგვაძენინებთ, მარტო მე კი არა, მთელი სასაზღვრო პოლიცია და კიდევ ბევრი უწყება ამ ქვეყანაში ძალიან დიდ მადლობას გეტყვით“, - განაცხადა გახარიამ.

ახალი ვერტმფრენების შეძენის აუცილებლობაზე ადა მარშანიამ ისაუბრა. როგორც დეპუტატმა აღნიშნა, ვერტმფრენები შინაგან საქმეთა სამინისტროსთვის აუცილებლობას წარმოადგენს და მის შესაძენად სახსრები გამოინახება.

„ბატონო მინისტრო, თქვენ აღნიშნეთ, რომ 4 ვერტმფრენი გვეყოლება, მაგრამ დასძინეთ, რომ ეს ახალი ვერტმფრენები არ არის, რაც გულზე ცუდად მომხვდა. რატომ არის ჩვენს ქვეყანაში პრობლემა, რომ ჩვენ შევუძინოთ თქვენს უწყებას და ქვეყანას ახალი ვერტმფრენები, თუ ჩვენ შეგვიძლია 400 მილიონი ლარი გამოძებნოთ, რათა ნატოს გადავურიცხოთ იმ იმედით, რომ კრიზისულ სამხედრო ვითარებაში ალიანსი ჩვენ დაგვიცავს - რაც ძალიან სათუოა, მე ამას დიდი გულისტკივილით ვამბობ. ძალიან მწვავედ ვხედავ რეალობას, რა რეალობაშიც ჩვენი ქვეყანა ცხოვრობს, ძალიან ბევრი პოლიტიკოსისგან განსხვავებით. ე.ი. მოიძებნება 4 ახალი ვერტმფრენისთვის თანხა, თქვენ შემოდით ამ საკითხით პარლამენტში და ჩვენ დაგეხმარებით, მით უმეტეს, რომ ეს ჩვენთვის ფუფუნება არ არის. ეს არის აუცილებელი საგანი თქვენი უწყებისთვის“, - განაცხადა მარშანიამ.

შინაგან საქმეთა მინისტრის გიორგი გახარიას განცხადებით, წლის ბოლომდე შინაგან საქმეთა სამინისტროს ოთხი ვერტმფრენი ეყოლება. როგორც მინისტრმა პარლამენტში, სიტყვით გამოსვლისას განაცხადა, აღნიშნული ვერტმფრენები კაპიტალურად გარემონტებული იქნება.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა