სრულად ვიზიარებ პრეზიდენტის განცხადებას, რომ საქართველოში აშშ-ის სამხედრო ბაზები არ უნდა განთავსდეს, - ამის შესახებ პარლამენტში სიტყვით გამოსვლისას, "პატრიოტთა ალიანსის" ერთ-ერთმა ლიდერმა, ირმა ინაშვილმა განაცხადა. დეპუტატის განცხადებით, აღნიშნული საკითხი სახიფათოა საქართველოს ინტერესებისა და სტაბილურობისთვის.
რაც შეეხება საპარლამენტო უმრავლესობას, მმართველი პარტიის დეპუტატები განმარტავენ, რომ საკითხის განხილვა დღის წესრიგში არ დგას და რომ მათთვის უცნობია, რატომ გააკეთა პრეზიდენტმა აღნიშნული განცხადება.