11 მაისს  ლისის ტბაზე „წიგნების კითხვის ფესტივალი“ გაიმართება

საქართველოს პირველი არხის ახალგაზრდული პროექტის, “წიგნების თაროს” ორგანიზებით 11 მაისს, ლისის ტბაზე „წიგნების კითხვის ფესტივალი“ გაიმართება.

როგორც „ინტერპრესნუსს“ ორგანიზატორებმა აცნობეს, ფესტივალის კარი 12:00 საათზე გაიღება. მათივე ცნობით, მოსული სტუმრები მთელი დღის განმავლობაში შეძლებენ ბუნებაში მოწყობილ ლამაზ და კომფორტულ გარემოში იკითხონ, ერთმანეთს წიგნები გაუცვალონ, მოისმინონ საინტერესო მასტერკლასები, ჩაერთონ წიგნების კითხვის უპრეცედენტო ფლეშ-მობში, ითამაშონ „წიგნების თარო“ და მოიგონ სხვადასხვა პრიზი. დღის ბოლოს კი ცნობილი მუსიკოსების მონაწილეობით ლაივ-კონცერტი გაიმართება.

„წიგნების კითხვის ფესტივალი“ სოციალური კამპანიაა, რომლის მიზანი ახალგაზრდებში ლიტერატურის პოპულარიზაცია, რეკრეაციულ სივრცეებში კითხვის კულტურის დანერგვა და კიდევ ერთი შემეცნებითი პლატფორმის შექმნაა. ღონისძიების პარტნიორია „გამომცემლობა პალიტრა L“ და თინეიჯერული ლიტერატურის პროექტი „ლიბერთინსი“, რომელიც მოსულ სტუმრებს სპეციალურად შექმნილი სამკითხველო სივრცით უმასპინძლებს და მათ ახალ, მსოფლიო ბესტსელერების ავტორთა წიგნებს შესთავაზებს.

მასტერკლასებს ჩაატარებენ: ბექა ადამაშვილი - „როგორ იფუთება წიგნები“, ალეკო შუღლაძე - „როგორ იწერება წიგნები“, ლევან გიგინეიშვილი - „როგორ მოქმედებენ წიგნები ადამიანებზე“ („თამაში ჭვავის ყანაშის“ მაგალითზე)

ლაივ-კონცერტს გამართავენ: AMBAVI, ლუკა ზაქარიაძე, LOUDspeakers

„წიგნების კითხვის ფესტივალი“ ყოველწლიურად ჩატარდება. დასწრება თავისუფალია.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას