ინდოეთის აღმოსავლეთ სანაპიროებს ძლიერმა ციკლონმა „ფანიმ“ გადაუარა. „ბიბისის“ ცნობით, სტიქიის ზონაში ძლიერი წვიმა და ქარია. ქარის სიჩქარემ საათში 195 კილომეტრს მიაღწია.
ორისას შტატიდან მილიონზე მეტი ადამიანის ევაკუაცია განხორციელდა. სწორედ აღნიშნულ შტატში იქნება ციკლონი ყველაზე ძლიერი.
ორისას მეზობელ შტატებშიც საგანგებო მდგომარეობაა გამოცხადებული. სტიქიის გამო არაერთი ავიარეისი და სარკინიგზო რეისი გაუქმდა. სკოლებმა და სამთავრობო დაწესებულებებმა მუშაობა დროებით შეაჩერეს.
გარდა ამისა, ინდოეთის აღმოსავლეთ სანაპიროზე სამი პორტი დაიხურა. შესაბამისი სამსახურები საგანგებო რეჟიმში მუშაობენ. ორისას შტატში მობილიზებულია სამედიცინო დახმარების ჯგუფები და სამაშველო სამსახური.