მამუკა ბახტაძე - საქართველოს უნივერსიტეტებში გაცემული დიპლომები აღიარებული და ვალიდური იქნება ევროკავშირში

ევროპის ხარისხის უზრუნველყოფის სააგენტოების ასოციაციაში გაწევრიანებით ჩვენ გადავდგით ძალიან მნიშვნელოვანი ნაბიჯი, რათა საქართველოში უმაღლესი განათლების სტანდარტი ძალიან მაღალი იყოს, - ამის შესახებ პრემიერ-მინისტრმა მამუკა ბახტაძემ საქართველოს განათლების ხარისხის განვითარების ეროვნული ცენტრის "უმაღლესი განათლების ხარისხის უზრუნველყოფის ევროპულ ასოციაციაში" გაწევრიანებისთვის მიძღვნილ ღონისძიებაზე განაცხადა. ბახტაძის შეფასებით, ეს ფაქტი კიდევ ერთი წარმატებული და მნიშვნელოვანი ნაბიჯია ქვეყნის ევროიტეგრაციის გზაზე.

„ჩვენ დავუახლოვდით ჩვენს ევროპულ ოჯახს, ყველაზე მნიშვნელოვან მიმართულებაში და ეს არის განათლება. რამდენიმე დღის წინ, ევროპის ხარისხის უზრუნველყოფის სააგენტოების ასოციაციამ მიიღო გადაწყვეტილება, რომ საქართველო გაწევრიანდება „ენკაში“. ეს უდიდესი წარმატებაა და ისტორიული მოვლენაა ჩვენთვის, ჩვენი განათლების სისტემისთვის, განსაკუთრებით იმ ახალი ეროვნული იდეის ფონზე, რომელიც ჩვენ დავაანონსეთ, რომ სწორედ განათლება არის მთავარი მამოძრავებელი ძალა ჩვენი ქვეყნისთვის. რას ნიშნავს ყოველივე ეს? ეს ნიშნავს იმას, რომ ჩვენ გვექნება ყველა პრაქტიკული მექანიზმი იმისთვის, რომ საქართველოში უმაღლესი სასწავლებლები აკმაყოფილებდნენ ყველა კრიტერიუმს, რაც იმას ნიშნავს, რომ საქართველოში, ჩვენს უნივერსიტეტებში გაცემული ყველა დიპლომი იქნება აღიარებული და ვალიდური ევროკავშირში. ეს ძალიან დიდი ნაბიჯია, რომელიც ჩვენ გადავდგით“, - განაცხადა მამუკა ბახტაძემ.

პრემიერ-მინისტრმა განსაკუთრებული მადლობა გადაუხადა ევროპელ მეგობრებსა და პარტნიორებს, რომლებიც ამ პროცესში იყვნენ ჩართულები.

„ჩვენ უნდა გვესმოდეს, რომ ეს არის დიდი გამარჯვება და ამავე დროს არის დიდი პასუხისმგებლობა. ჩვენ ჩვენს უნივერსიტეტებთან ერთად აქტიურად უნდა ვიმუშაოთ, რათა რაც შეიძლება მოკლე ვადაში დავაკმაყოფილოთ ყველა სტანდარტი, ყველა კრიტერიუმი და მაქსიმალური ფოკუსი უნდა გვქონდეს გაკეთებული ხარისხზე. ეს უდიდესი პასუხისმგებლობაა, როდესაც შენს ქვეყანაში გაცემული დიპლომი ითვლება, რომ არის ვალიდური, უმაღლესი სტანდარტის და ის შეესაბამება ევროკავშირის სტანდარტებსა და კრიტერიუმებს. ჩვენ ამას მაქსიმალურად უნდა გავუფრთხილდეთ, აქედან გამომდინარე, ჩვენ მომავალ თვეებში გვექნება ინტენსიური მუშაობა ჩვენს უნივერსიტეტებთან, რომ გავწეროთ სამოქმედო გეგმები და გამოვიყენოთ ეს შესაძლებლობა, რომელიც მართლაც ისტორიული მოვლენაა. რა თქმა უნდა, ეს ყველაფერი დაკავშირებული იქნება დამატებით ფინანსურ რესურსებთან. როგორც იცით, ჩვენ მშპ-ს 6% მივმართავთ განათლებაზე და ამ დაფინანსების ძალიან დიდი ნაწილი მიმართული იქნება უმაღლეს განათლებაზე, ჩვენს უნივერსიტეტებზე. დარწმუნებული ვარ „ენკაში“ გაწევრიანებით ჩვენ გადავდგით ძალიან პრინციპული და მნიშვნელოვანი ნაბიჯი იმისთვის, რომ საქართველოში უმაღლესი განათლების სტანდარტი ძალიან მაღალი იყოს“, - განაცხადა პრემიერმა.

იხილეთ ვიდეო

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 05.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
ახალი შესაძლებლობა საცალოდ ვაჭრობის სფეროთი დაინტერესებულთათვის - საქართველოში ორმაგი აკრედიტაციის მქონე პროგრამა იწყება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან
2020 წელს საქართველოში ნარკოტიკზე, ალკოჰოლსა და აზარტულ თამაშებზე დამოკიდებულთათვის პირველი სარეაბილიტაციო სტაციონარის გახსნა იგეგმება
ენერგეტიკის გამოფენა და კონფერენცია “გლობალური ენერგეტიკული ტრენდები“ "ექსპოჯორჯიაში" გაიმართება
„ლექსუსი“ 2020 წლისთვის ქართველ მომხმარებელს განახლებულ Lexus GX460-ს სთავაზობს
"ლიბერთის" თანადგომა ბავშვთა სარეაბილიტაციო ცენტრ - ,,რეჰაბს“