საქართველოს ფინანსთა სამინისტროს შემოსავლების სამსახურმა საბაჟო-გამშვებ პუნქტ ,,კარწახის“ მიმდებარე ტერიტორიაზე, თავისუფალი ვაჭრობის პუნქტის - DUTY FREE-ის მოწყობის მიზნით, ელექტრონული აუქციონი გამოაცხადა, რომლის საფუძველზეც გამარჯვებულს იჯარის ფორმით 10 წლის ვადით სარგებლობაში გადაეცემა ადმინისტრაციულ შენობაში არსებული ფართი, - ამის შესახებ „ინტერპრესნიუსს“ ფინანსთა სამინისტროს შემოსავლების სამსახურიდან აცნობეს.
„აუქციონის დასრულების ვადაა 2019 წლის 27 მაისის 16:00 საათი.
ელექტრონული აუქციონის შესახებ დეტალური ინფორმაცია შეგიძლიათ იხილოთ ფინანსთა სამინისტროს მომსახურების სააგენტოს ვებგვერდზე www.eauction.ge“, - აღნიშნულია ინფორმაციაში.