სალომე სამადაშვილი - გვაქვს მთელი რიგი შეკითხვები, რომელიც უკავშირდება რუსეთის ზეგავლენის გაზრდას ჩვენს ქვეყანაზე

"ფრაქცია ნაციონალური მოძრაობა" სახელმწიფო უსაფრთხოების სამსახურის ხელმძღვანელისთვის დღეს კითხვების დასმას რუსეთის და საქართველოზე მისი ზეგავლენის შესახებ გეგმავს. აღნიშნულის შესახებ ჟურნალისტებს დეპუტატმა სალომე სამადაშვილმა განუცხადა.

"დღევანდელი შეხვედრა უნდა წარიმართოს ღიად და საჯაროდ იმიტომ, რომ საზოგადოებისთვის მნიშვნელოვანია მიიღონ ინფორმაცია სუს-ის პოზიციებზე. გვაქვს მთელი რიგი შეკითხვები, რომელიც უკავშირდება რუსეთის ზეგავლენის გაზრდას ჩვენს ქვეყანაზე, პირველ რიგში, ეკონომიკური თვალსაზრისით - ამაზე ჩვენ ვერ მოვისმინეთ სათანადო ახსნა სუს-ისგან. როგორც ჩანს, ეს არ არის მათი პრიორიტეტების რიცხვში, რათა რეალურად განახორციელონ ის ღონისძიებები, რომლებიც უპირისპირდება რუსეთის ზეგავლენას," - განაცხადა სალომე სამადაშვილმა.

შეგახსენებთ, რომ პარლამენტში დღეს სახელმწიფო უსაფრთხოების სამსახურის უფროსს, ვახტანგ გომელაურს მოუსმენენ.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 13.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
Wolt და Mastercard ბათუმში გელიან!