ირაკლი აბესაძე - საზოგადოებისთვის თვალში ნაცრის შეყრაა იმაზე საუბარი, რომ პლენარული სხდომის დახურვის შემდეგ ვახტანგ გომელაური რაიმე მნიშვნელოვანს იტყვის

წლების განმავლობაში თვალყურს ვადევნებთ სახელმწიფო ორგანოების მხრიდან სერიოზული პრობლემების მიმართ გულგრილ დამოკიდებულებას ან არაპროფესიონალურ მოქმედებას, რასაც უარესს შედეგებამდე მივყავართ, - აღნიშნული შეფასება სახელმწიფო უსაფთხოების სამსახურის ყოველწლიური ანგარიშის მოსმენის წინ „ევროპული საქართველოს“ წევრმა ირაკლი აბესაძემ გააკეთა.

აბესაძის თქმით, ამის მაგალითად პანკისში განვითარებული მოვლენები და დავით გარეჯთან დაკავშირებით გაკეთებული ძალიან მძიმე პოლიტიკური განცხადებები გამოდგება.

“ამის შესახებ პასუხებს ვერ ვიღებთ ვერც ღია სივრცეში და ვერც დახურულ კარს მიღმა. საზოგადოებისთვის თვალში ნაცრის შეყრაა იმაზე საუბარი, რომ პლენარული სხდომის დახურვის შემდეგ ვახტანგ გომელაური რაიმე მნიშვნელოვანს იტყვის სახელმწიფო უსაფრთხოების უზრუნველყოფასთან დაკავშირებით. პირიქით, მნიშვნელოვანია, საზოგადოებამ მოისმინოს როგორც დეპუტატების კითხვები, ასევე კითხვებზე ვახტან გომელაურის პასუხები, რათა კარგად დაინახონ, რომ სახელმწიფო უსაფრთხოების სამსახური დაკისრებული ფუნქციების შესრულებას ვერ ახერხებს და მისი რესურსები პოლიტიკური ამოცანების შესრულებაზე იხარჯება“, - განაცხადა ირაკლი აბესაძემ.

დღევანდელ სესიაზე სუს-ის ყოველწლიურ ანგარიშს მოისმენენ, რომელსაც ვახტანგ გომელაური წარადგენს.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
სილქნეტის სამთვიანი აქცია უფასო ინსტალაციაზე ამოქმედდა