თბილისი ამბის თხრობის ფესტივალს უმასპინძლებს

თბილისის მერიის მხარდაჭერით, თბილისში 20-22 ივნისს ამბის თხრობის, ე.წ. „სთორითელინგის“ პირველი საერთაშორისო ფესტივალი გაიმართება. ამის შესახებ „ინტერპრესნიუსს“ თბილისის მერიიდან აცნობეს.

მათივე ინფორმაციით, ფესტივალი Impact Hub Tbilisi-ს და Coda Story-ს მიერ დაფუძნდა. ZEG – Tbilisi Storytelling Festival აერთიანებს სხვადასხვა ინდუსტრიის წამყვან პროფესიონალებს, რომლებიც გაგვიზიარებენ ამბის გადმოცემის თავიანთ უნიკალურ ხერხებს.

სამდღიან ღონისძიებაში მონაწილეობას მიიღებს 29 უცხოელი სტუმარი, მათ შორის Warner&Bro's Pictures-ის ვიცე-პრეზიდენტი ქეით ადამსი, ნიუ-იორკის უნივერსიტეტის პროფესორი და რამდენიმე წიგნის ავტორი სუკეტუ მეჰთა, ჟურნალისტი და ტელე-პროდიუსერი - პიტერ პომერანცევი, საგანმანათლებლო პლატფორმა "მასტერკლასის" დამფუძნებელი - აარონ რასმუსენი, Vogue 73 Questions-ის ავტორი და მოდერატორი - ჯო საბია და სხვები. გარდა ამისა, ფესტივალის ფარგლებში სპეციალურად ჟურნალისტებისთვის დაგეგმილია მასტერკლასები და ვორქშოფები, რომელსაც გაუძღვებიან The Guardians-ის, CNN-ის და BBC-ს წარმომადგენლები.

ღონისძიების სტუმრებს ექნებათ შესაძლებლობა გაეცნონ „სთორითელინგის" როგორც ტრადიციულ, ისე ინოვაციურ მეთოდებს და მიიღონ შთაგონება საკუთარი საქმიანობისთვის.

ფესტივალთან დაკავშირებით დღეს პრესკონფერენცია გაიმართა, რომელსაც დამფუძნებლები და მხარდამჭერები გაუძღვნენ.

როგორც პრესკონფერენციაზე თბილისის მერიის კულტურის პროექტების და პროგრამების განყოფილების უფროსმა თამარ თოფურიძემ განაცხადა, მსგავსი შემოქმედებით პროექტები და ფესტივალები ხელს უწყობს დედაქალაქის ტურისტული პოტენციალის ზრდას.

„საფუძველი ჩაეყარა ახალ ფესტივალს „ამბის თხრობა - სთორითელინგი“, რაც მნიშვნელოვანია სხვადასხვა ინდუსტრიების განვითარებისთვის და ქალაქის ტურისტული პოტენციალის ზრდისთვის. თბილისის მერია არ იქნება მხოლოდ მხარდამჭერი. დამრწმუნებული ვარ, ყოველი ჩვენგანი აქტიური მსმენელი იქნება იმ საინტერესო ამბების, რომლებსაც ამ ფესტივალზე მოყვებიან“, - აღნიშნა თამარ თოფურიძემ.

ფესტივალის მხარდამჭერები არიან თბილისის მერია, „თიბისი სტატუსი“, Windfor’s, „აჭარა ჯგუფი“, ამერიკის საელჩო საქართველოში, ფონდი „ღია საზოგადოება - საქართველო“, „ფაბრიკა“.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას